Staðarreglur og skilmálar
Með því að bóka tíma hjá Golfklúbbnum undirgengst þú þá skilmála sem settir eru fram á þessari síðu.
Verð og tímar
Verðin hér koma úr verðskrá kerfisins. Þau eru til viðmiðunar og geta breyst án fyrirvara.
- Fullt verð er núverandi verð (sjá bókunarsíðuna) á klukkustund. Á rótíma er verðið núverandi verð (sjá bókunarsíðuna)
- Rótímar eru almennt á virkum dögum fram eftir degi (fyrir kl. 16:00, á föstudögum fyrir kl. 14:00). Prýðistímar eru almennt seinnipartinn, á kvöldin og um helgar. Golfklúbburinn ákveður hvaða tímar teljast rótímar hverju sinni og þeir gilda ekki á rauðum dögum, frá Þorláksmessu til nýárs, í kringum páska eða aðra daga sem Golfklúbburinn ákveður. Verð hvers tíma sést alltaf í bókunarkerfinu áður en bókað er.
- Verðið er fyrir einn golfhermi. Bóka má á heilum og hálfum tíma. Allt að átta manns geta verið í sama herminum.
- Golfklúbburinn selur tíma í hermi, ekki 18 eða 9 holur. Fjórir vanir kylfingar þurfa um 3 klst. í 18 holur, þrír um 2,5 klst. og tveir um 1,5 klst.
- Mættu tímanlega og hættu leik á réttum tíma. Síðasti hálftíminn er 25 mínútur svo næsti gestur komist að. Það tekur nokkrar mínútur að stilla kerfið fyrir hvern leik og sá tími er hluti af bókuðum tíma.
- Greiðslu staðfestingargjalds getur verið krafist við bókun.
Afbókun
Bókaður tími er keyptur tími.
- Innan klukkustundar frá bókun má alltaf afbóka án gjalds, ef tíminn er ekki hafinn.
- Einn hermir: afbóka má til kl. 20:00 kvöldið áður. Eftir það greiðist tíminn að fullu.
- Tveir eða fleiri hermar (hópbókun) og fastir tímar: afbóka þarf með 48 klst. fyrirvara. Sé afbókað síðar greiðist 50% af bókuðum tíma, og sé ekki afbókað fyrir kl. 20:00 kvöldið áður greiðist tíminn að fullu.
- Mæti gestur ekki greiðist tíminn að fullu.
- Sá hluti sem greiddur er með korti eða gjafabréfi er endurgreiddur á sama greiðslumiðil og notaður var við kaupin.
- Fasta tíma sem eru afbókaðir í tíma má endurbóka í samráði við Golfklúbbinn innan tímabilsins.
- Sá sem er á nafni bókunarinnar ber ábyrgð á henni.
Réttur til að falla frá kaupum
Golfhermatími er afþreying og tómstundaþjónusta á fyrirfram ákveðnum tíma. Því gildir undanþága frá l-lið 18. gr. laga nr. 16/2016 frá almennum 14 daga rétti til að falla frá fjarsölusamningi. Um afbókun gilda reglurnar í kaflanum Afbókun hér að ofan.
Fastir tímar og hópar
- Til að bóka fasta tíma þarf að bóka minnst einn hermi í 2 klst., í 8 skipti fyrir áramót eða 12 skipti eftir áramót.
- Hópar sem koma tvisvar í viku eða oftar fá 5% aukaafslátt.
- Greiða má fasta tíma fyrirfram, eigi síðar en við fyrsta tíma.
- Fyrir hópa: hringdu í 820 9111 eða sendu póst á golf@golfklubburinn.is.
Námskeið
- Á námskeiðum hjá kennurum Golfklúbbsins skráir þú þig á allt námskeiðið (allar loturnar) á netinu. Dagskrá, verð og laus sæti sjást á námskeiðasíðunni.
- Afbókun er frí til og með 2 dögum fyrir fyrstu lotu. Eftir það fæst námskeiðsgjaldið ekki endurgreitt.
- Ekki er hægt að skrá sig á námskeið eftir að fyrsta lota er hafin, og námskeið geta orðið full.
- Golfklúbburinn og kennarar námskeiðsins geta fellt námskeið niður (t.d. ef of fáir skrá sig) eða fært einstakar lotur. Allir sem eru skráðir fá þá tölvupóst, og greiðsla sem var innt af hendi á netinu er endurgreidd að fullu ef námskeiðið er fellt niður.
- Greiða má námskeið á netinu við skráningu eða á staðnum, eftir því sem fram kemur við hvert námskeið.
- Kennarar námskeiðsins fá nafn, netfang, símanúmer og forgjöf (ef hún er gefin upp) þeirra sem skrá sig á námskeiðið svo hægt sé að hafa samband og kenna á hverju stigi. Í staðfestingarpóstinum eru nafn, símanúmer og netfang tengiliðs námskeiðsins.
Gjafabréf og afslættir
- Gjafabréf gilda króna fyrir krónu.
- Afsláttur gildir ekki ofan á annan afslátt eða tilboð, svo sem fasta tíma, rétti dagsins eða gleðistund.
Æfingakort
- Æfingakort er inneign í hálftímum (30 mínútur). Kortið rennur ekki út og fæst ekki endurgreitt. Verð á hálftíma og magnverð sjást þar sem kortið er keypt.
- Kortið gildir í golfherma og á PuttView flötina. Hver hálftími kostar einn hálftíma af kortinu.
- Bókun á herma með æfingakorti er aðeins möguleg samdægurs. Á rótíma má bóka hvaða lausa tíma sem er.
- Á prýðistíma (kvöldin) er aðeins hægt að bóka með æfingakorti þegar klukkustund eða minna er í tímann, og tíminn þarf að liggja fast við aðra bókun á sama hermi. Sé engin önnur bókun þann dag má bóka hvar sem er.
- Tímar sem eru bókaðir með æfingakorti víkja fyrir öðrum bókunum.
- Dugi inneignin ekki þarf að fylla á kortið áður en bókað er.
Umgengni
- Golfklúbburinn er veitingastaður og því er ekki leyfilegt að koma með nesti.
- Notaðu hreina og þurra skó. Ekki koma í golfskóm með tökkum og ekki fara í blautum skóm í herminn.
- Notaðu hreinan búnað (kylfur, skó, bolta). Hægt er að þrífa búnað hjá okkur.
- Notaðu aðeins hreina, heila bolta sem ekki hefur verið skrifað á. Ef þú ert í vafa skaltu ræða við starfsmann. Við seljum bolta á lágu verði.
- Ef starfsmaður biður þig að nota ekki ákveðna kylfu eða að slá af lægra tíi skaltu virða það. Slík ósk er ekki að ástæðulausu.
- Ekki nota 56° kylfur eða kylfur með meira lofti í full högg nema þú sláir nægilega lágt til að hitta tjaldið. Hermarnir þola um 38° klifurhorn, sem dugar fyrir högg með allt að 60° kylfu. Ef þú slærð upp í loft skaltu bakka um kylfu, eða bæta sveifluna 😊
- Mundu að þú leikur í golfhermi og hlutirnir eru ekki alveg eins og úti. Þú þarft að læra á herminn og aðlaga þig að umhverfinu.
- Á föstudags- og laugardagskvöldum má gera ráð fyrir meiri umgangi og hávaða en á öðrum tímum. Við óskum eftir skilningi gesta.
- Þegar stórviðburðir eru í sjónvarpi getum við tekið einn eða fleiri herma undir sjónvarpsáhorf. Við gerum okkar besta til að láta bókaða gesti vita.
Ábyrgð og bilanir
- Gestir eru á eigin ábyrgð. Golfklúbburinn ber ekki ábyrgð á skaða eða skemmdum sem villuhögg kunna að valda.
- Hægt er að geyma golfsett hjá okkur ef rými leyfir. Aðeins kylfingar sem eiga búnað í geymslu og starfsmenn ganga um kylfugeymslur, en við berum ekki ábyrgð á munum.
- Golfhermarnir eru hátæknibúnaður (tölva, skynjarar, myndavél) sem getur bilað eða frosið. Að endursetja búnaðinn tekur að jafnaði 3–4 mínútur og leikurinn á að halda áfram þar sem frá var horfið. Við berum ekki ábyrgð á því ef leikur dettur út.
- Verði bilanir ítrekaðar bætum við tapaðan tíma með því að lengja tímann sem töfinni nemur. Sé herminn bókaður strax á eftir fær gesturinn inneign sem töfinni nemur.
Fyrirvarar og upplýsingar
Golfklúbburinn áskilur sér rétt til að breyta verðskrá og skilmálum án fyrirvara og ber ekki ábyrgð á villum í verðskrá.
Tölvupóstur: golf@golfklubburinn.is · Sími: 820 9111 · Facebook: Golfklúbburinn
Komdu inn að leika!